Саволлар/Жавоблар

Фаниган® фаст гель таркибида қандай таъсир қилувчи ўсимлик компонентлари мавжуд?

Фаниган® фаст гелининг ўсимлик таркибий қисмлари – ментол ва зиғир ёғи. Ментол салқинлик ҳиссини беради, оғриқсизлантиради. Зиғир ёғи яллиғланишга қарши енгил таъсирга эга.

Гелнинг фармакологик таркибий қисмлари фойдалими?

Ҳа, жуда. Диклофенак тўқималарнинг яллиғланиши ва шишини бартараф этади, шу билан шикастланган бўғимлар ва пайларнинг тикланишига ёрдам беради. Метилсалицилат нафақат оғриқсизлантиради ва яллиғланишга қарши курашади, балки яллиғланган тўқималарнинг шиши ва инфильтрациясини камайтиради.

Гелнинг ўсимлик компонентлари етарли эмасми? Нима учун уларни кимёвий моддалар билан бирлаштириш зарур?

Ўсимлик компонентлари ва яллиғланишга қарши ностероид воситалар бир-бирининг таъсирини кучайтиради. Шу туфайли гель таъсирини суртганингиздан сўнг бир неча дақиқада сезасиз.

Фаниган® фаст гелини қўллашга қарши кўрсатмалар борми?

Препаратни 12 ёшдан кичик болаларда қўллашга қарши кўрсатмалар бор. Препаратни қўллашга қарши кўрсатмалар: Диклофенак ёки гелнинг бошқа таркибий қисмларига сезгирликнинг юқорилиги; Бронхиал астма, эшакеми ёки атсетилсалитсил кислота ёки бошқа няқв қабул қилиш туфайли ўткир ринит. Тери шикастланиши ёки очиқ жароҳатлар; Ҳомиладорликнинг охирги уч ойлиги. Шунингдек, агар даволаш бошлангандан кейин аломатлар кучайган бўлса ёки ўсмирга 7 кундан кўпроқ дори қўллаш зарур бўлса, илтимос, шифокор билан маслаҳатлашинг.

Этил спирти ва кимёвий ҳидлар мавжуд бўлган пардоз-андоз воситаларига аллергиям бор. Бўғимларнинг ревматик яллиғланишини даволашда фаниган® фаст гелни ишлатсам бўладими?

Фаниган® фаст гель таркибида этил спирти йўқ. Бироқ унинг ёрдамчи моддалари орасида пропиленгликол, карбомер 940, динатрий эдетат, полисорбат 80, натрий гидроксид ва бензил спирти мавжуд. Агар сизда аллергия бўлса, бу дори воситасини қўллашдан олдин албатта шифокор билан маслаҳатлашиб олишингиз лозим.